Австралия Миллий Олимпия Қўмитаси (АОҚ) коронавирус тарқалиш хавфи туфайли жамоани 2020 йил Токиодаги Олимпия ўйинларига юборишдан бош тортди. Бу ҳақда ташкилот сайтида хабар берилди.
АОҚ таъкидлаганидек, ҳозирги шароитда жамоани йиғиш мумкин эмас. "Биз ишонамизки, энди спортчилар биринчи навбатда соғлиқ ва атрофдагилар ҳақида ўйлашлари керак", дейилади баёнотда. Қўмита австралиялик спортчиларга 2021 йилги ўйинларга тайёргарлик кўришни буюрди.
