22 апрелдан Иккинчи жаҳон уруши ғалабасининг 70-йиллигига бағишланган почта маркалар туркуми муомалага киритилди.
Маркалар “Ўзбекистон почтаси” АЖ томонидан тайёрланиб, Ўзбекистон Республикаси ахборот технологиялари ва коммуникацияларини ривожлантириш вазирлиги томонидан муомалага киритилди, бу ҳақда "Ўзбекистон почтаси" хабар беради.
Туркум иккита почта маркаси ва битта купондан иборат занжир кўринишида чоп этилган.
Почта маркаларида Мустақиллик майдонида жойлашган “Мотамсаро она” ҳайкали ҳамда ёш авлоднинг Иккинчи жаҳон уруши ветеранларини тантанали табриги тасвирланган.
Занжирнинг купон қисмида эса мангулик олови, ўзбек тили лотин алифбосида “9-май – Хотира ва қадрлаш куни” сўзлари ва Иккинчи жаҳон урушида фашизмга қарши мардонавор курашда вафот этган қаҳрамонларимизнинг рўйхатли китоби тасвирланган.
Почта маркалари бир неча рангда ишланган. Офсет усулида босилган. Перфорацияси тароқсимон. Маркаларнинг ўлчами 42х30 мм. Маркаларнинг дизайнери – Юсупалиев У.
Маркаларга идентификация рақамлари берилган:
1111. “Мотамсаро она” ҳайкали Номинали – 1000 сўм
1112. “Уруши ветеранларини тантанали табриги” Номинали – 1200 сўм
