Тожикистон шарқида бугун маҳаллий вақт билан соат 08:31 да магнитуда кучи 5,5 бўлган зилзила рўй берди. Зилзила эпимаркази Роғун шаҳри яқинида бўлган, у мамлакат пойтахти- Душанбеда ҳам сезилган.
"Интерфакс" маълумотларига кўра, эпимарказ Роғундан 28 километр узоқда 11,2 километр чуқурликда бўлган.
Тожикистон пойтахтида силкиниш бир неча сония давом этган. Мамлакат Фавқулодда вазиятлар бўйича Қўмита хизматининг хабар беришича, вайроналар ҳақида маълумотлар келиб тушмаган.
