Кениялик ёш адвокат Феликс Кипроно АҚШ президенти Барак Обамага унинг қизи Малия учун 50 та сигир, 70 та қўй ва 30 та эчки ваъда қилди.
Бу ҳақда The Nairobian журнали хабар берди.
"Мен унга 2008 йилдан бери бефарқ эмасман", - дейди адвокат. Унинг сўзларига кўра, у Обаманинг қизига вафодор бўлишни ваъда қилганидан бери ҳеч ким билан учрашмаган.
У Обаманинг июль ойида Кенияга бўлган расмий ташрифи чоғида қизини ҳам бирга олиб келишига ишонмоқда. Обаманинг отаси асли Кениялик бўлганлиги сабабли Кипроно Малияга турмуш қуришни айнан шу ерда таклиф қилмоқчи.
"Одамлар мени Обаманинг бойлиги қизиқтиради деб ўйлашлари мумкин, аммо ундай эмас, - дейди у. – Менинг мухаббатим чин".
