АҚШлик мутахассислар ғалати тадқиқот ўтказишди. Улар 85 йилдан сўнг йўқолиб кетиши мумкин бўлган шаҳарлар рўйхатини тузишди.
Ушбу рўйхатдан сайёрамизнинг турли бурчакларида жойлашган етти шаҳар жой олган. Улар Сан-Франциско, Детройт, Венеция, Мехико, Тибукту, Неаполь ва Россиядаги Ивановолардир. Бу ҳақда “Звезда” телеканали маълумот берган.
Ушбу рўйхатни тузишда америкалик олимлар аҳоли пунктлари инфраструктураси, уларнинг географик жойлашуви ва ижтимоий жиҳатларини инобатга олишган.
Шундай қилиб, Венеция сув остида қолади, Мехико эса, қуриган кўл тубига ғарқ бўлади. Ивановода эса, аёллар сон жиҳатдан эркаклардан ўзиб кетади. Бу эса, оҳир-оқибат туғилиш даражасига кескин таъсир этади. Бу шаҳарларнинг йўқолиб кетишига яна бир сабаб, улардаги аҳолининг бошқа, яшаш қулайроқ бўлган масканларга кўчиб кетишидир.
