Телевизор орқали инсоннинг қай тарафга ҳаракатланаётган манзилини смартфон ёрдамида кузатиш имконияти ҳақида ўқигандиМ. Ҳақиқаттан ҳам бунинг имконияти борми?
К. С. e-mail орқали
Ушбу мактубга жавоб бера туриб, айфон ёрдамида дугонам билан содир бўлган воқеани келтирмоқчи эдим.
- Салом, қадрдоним! – дея чақиргандай бўлди таниш овоз. Катта супермаркетда бўлгани учун бунга эътибор қилмадим. Фақат орқамдан туртишганидан сўнггина ўгирилиб қарадим. Қарасам, собиқ синфдошим Амина табассум қилиб турарди.
- Кўришмаганимизга ҳам қанча вақт ўтибдия, қара! – деди у.
- Мен эринг билан ҳорижга кетгансан деб юрган эканман, - дедим ишончсизлик билан, сабаби мактабни тугатгач, Амина ҳорижликка турмушга чиқиб кетганди.
- Ҳа, фақат эрим хорижда, мен эса ортга қайтдим. Ажрашдик. Жуда кўп ишлар бўлиб ўтди. Мен иккинчи маротаба турмуш қурдим.
- Даҳшат, - унга ичимдан ачиниш туйдим.
Хуллас, яқин орадаги бир қаҳвахонада ўтириб, ҳаммасини батафсил гаплашадиган бўлдик.
- Бу сафар ҳаммаси ҳаққоний бўлди, - гап бошлади дугонам. - Уни аэропортда кўрганимдан сўнг у кўнглимдаги инсон эканлигини тушуниб етдим. У менга бир кўришимда ёқиб қолди. Турмуш қурдик. Беш йилдан бери биргамиз, қизимиз бор. У жуда кўзга яқин инсон, бунинг устига моддий аҳволи ҳам жуда яхши.
- Тўғри. Мен ҳам шуни айтаман-да, масалан кеча эрим келиб, балони тешилганини ва уч соат кўчада қолиб кетганини айтди.
- Мен бундай баҳоналарни етти ойдан бери эшитаман, ва ниҳоят текшириб кўришга қарор қилдим. Ва биласанми, ёрдамга кимни чақирдим? Айфонни.
- Қандай қилиб?
Мана қандай қулоқ сол... Аввалига совуққон бўлиб ҳеч нарсага эътибор қилмаётгандай юрдим: тинчланиб, уни ҳаммага кетма-кет рашқ қилишни тўхтатдим. У бутунлай ўзини бўш қўйиб, огоҳликни йўқотганидан сўнг ишга киришдим.
“Айфон” ишқибозлари “Найти мой Айфон” мобил иловаси ҳақида яхши билишади. Мен ҳам турмуш ўртоғимга бу илова ҳақида гапириб бердим. Ушбу илова орқали йўқолган айфонни топиш, масофадан туриб блоклаш ёки телефон хотирасидаги маълумотларни ўчириб ташлаш мумкинлигини айтдим. Турмуш ўртоғим бу иловага жуда қизиқиб қолди ва уни телефонига ўрнатди. Менинг айфонимда эса бу хизмат аллақачон бор эди.
Сўнгра унинг айфонини Apple Id рўйҳатидан ўтказдим, яхшиямки унинг аккаунтини билардим, акс ҳолда ҳеч нарсани уддалай олмасдим. Дарвоқе, бундай ҳолда Apple ID’ни мустақил ўзгартириб бўлмайди, дарҳол маълум бўлади.
Кейинги ҳаракатларимни турмуш ўртоғим ухлаб қолганидан сўнг амалга оширдим. Аввалига смарфонда интернет, геолокацияни ёқдим, кейин “Найти мой Айфон” хизматини ёқдим. Буларнинг ҳаммаси унинг телефони картада пайдо бўлиши учун керак эди. Ўзимни суғурталаб қўйиш учун эса “чеклов”га кирдим ва “Учетний запис”даги ўзгартириш имкониятини чеклаб қўйдим.
Дарвоқе, Айфонни ўз телефонингдан ҳам интернетдан ҳам кузатиш мумкин. Энди эрим шаҳарнинг қайси бурчагида эканлигини аниқ билишим мумкин эди.
Хуллас унинг алдовини аниқладим, ҳар куни кечки пайт у офисда эмас бошқа ерда эканлигини аниқладим, у жойни топиб бордим, шунақанги жанжал бўлдики!
- Биласанми,- деди Аминасуҳбатини якунлаб, - бу борада омадим келди албатта, сабаби эрим у қадар техникани тушунмасди, акс ҳолда у ўз телефонида Интернетга йўлни, геолокацияни ёки шунчаки аппаратни ўчириб қўйганида уни кузата олмасдим.
Албатта, Дугонам айтган усулни қўллаб-қувватламайман. Ушбу нуқтаи назаримни таҳририятдаги ҳамкасбларим ҳам қўллаб-қувватлашди. Оилавий муносабатларда энг асосийси ўзаро ишонч ва ҳурматдир! Бироқ, ушбу усул йўқолган телефонни топиш, фарзандингиз ёки яқинларингиз қаердалигини билиш учун асқотишини ҳам унутмаслик керак.
