Жорий йилнинг 28-31 июл кунлари Япониянинг «Isuzu motors» ва «Itochu corporation» компаниялари вакилларидан иборат делегацияси расмий ташриф билан юртимизда бўлади.
Делегация аъзолари юртимизга ташрифи давомида “Ўзавтосаноат” АК, хусусан Самарқанд автомобил заводи фаолияти билан яқиндан танишишни ҳамда ўзаро ҳамкорлик алоқаларини янги босқичга кўтаришни кўзда тутишган. Япониянинг «Isuzu motors ltd» компанияси тижорий транспорт воситалари ҳамда дизел двигателларини ишлаб чиқариш билан шуғулланувчи дунёнинг энг йирик компанияларидан бири ҳисобланади.
Шуни алоҳида таъкидлаш керакки, ўзининг тижорий фаолиятини 1999 йилнинг март ойида бошлаган Самарқанд автомобил заводи 2006 йилда Япониянинг «Isuzu motors ltd» компанияси билан ҳамкорликни йўлга қўйган. 2007 йилнинг январ ойидан бошлаб “SamAuto” заводининг ишлаб чиқариш қувватларида «ISUZU» шассиси асосида ҳаракатланувчи тижорий автомобилларни ишлаб чиқариш йўлга қўйилган.
