Таҳририятимизга хонанда Ҳилола Ҳамидованинг шахсий ҳаёти билан боғлиқ қўнғироқлар жуда кўп бўляпти. Уларнинг асосий қисми хонанданинг турмуш ўртоғи билан ажрашгани, оиласига дарз кетгани ҳақида. Мазкур саволлар юзасидан хонандага мурожаат қилганимизда гўшакни Ҳилоланинг опаси Малика кўтарди.
Малика Ҳамидова: — Бундай гаплар қаердан чиқаётганига ҳайронман. Санъаткорнинг шахсий ҳаёти шахсийлигича қолиши керак. Шунинг учун бу масалада сизга ҳеч нарса айтолмайман. Ҳилоланинг оиласи тинч, у ҳозир янги қўшиқларига клип суратга олдириш билан банд.
