Газетамизнинг ўтган сонларидан бирида хонанда DJ Пилигрим Барселона, Германия ва Кипрда клип суратга олаётгани ҳақида хабар берган эдик.
9 сентябрь куни пойтахтимизнинг Royal Cinema кино теартида “Кечаю-кундуз” номли клипнинг премьераси бўлиб ўтди. Премьерага хонанданинг мухлислари, ОАВ ходимлари ва бир қатор ижодкор дўстлари жумладан Лола, Асал Шодиева, Шоҳруҳхонлар ҳам қатнашишди. Клип премьерага йиғилганларга манзур бўлди. Клип Кипрнинг Лимосол шаҳрида суртага олинган экан.
Хонанданинг маъмури Жасур Ҳайдаровдан “клип 3 та шаҳарда суратга олинган дегандингиз. Нега премьерада фақат Кипрда суратга олинди дейилди?”, - деб сўрадик. У эса “бир йўла тўртта клип суратга олганмиз, уларнинг ҳар бири юқорида тилга олинган шаҳарларда тасвирга олинган. Қолган клиплар премьераси қишда бўлиб ўтади”, деб жавоб берди.
Тез кунларда телеканалларимизда мазкур клипни томоша қилишингиз ва баҳо беришингиз мумкин.
