Куни кеча Тошкентдаги Турин политехника университетида битирувчиларга тантанали равишда диплом топшириш маросими бўлиб ўтди.
Университетнинг барча битирувчилари учун муҳим бўлган тадбирга фахрий меҳмонлар, университет раҳбарияти, ўқитувчилар ва талабалар ҳамда битирувчиларнинг оила аъзолари ташриф буюришди.
Битирувчиларга диплом топшириш ва уларни қутлаш учун Италиядаги Турин политехника университети ректори, профессор Марко Жилли ҳам юртимизга келди ва тадбирда иштирок этди.
Шуни алоҳида таъкидлаш керакки, барча талабалар диплом ҳимояси учун қилган илмий ишлари бўйича юқори даражадаги касбий тайёргарликга эга эканликларини кўрсатишди. Бундан ташқари битирувчиларнинг бир қанчаси аллақачон юртимиз автомобил саноати тизимидаги корхона ва ташкилотларда доимий иш ўрнига эга бўлган.
