«Euronews» ахборот хизмати ҳамда “Ўзбектуризм” миллий компанияси ҳамкорликда ишлашда давом этмоқда. 17 ноябрь куни «Uzbekistan life» рукни остидаги 2-кўрсатув эфирга узатилди. Бу сафарги кўрсатув “Бухоронинг бой ҳунармандчилик мероси” деб номланган.
Бухоро ўзининг зардўзлик ва шойи матолари билан, кулолчилиги, гиламдўзлик ва тилла тақинчоқ ҳунармандчилиги билан танилган. Шундан келиб чиқиб “Life” кўрсатуви бошловчиси гилам тўқиш устахонасига ташриф буюриб, гиламдўз қизлар билан ушбу қадимий ҳунармандчилик сирлари ҳақида суҳбат қурди.
Ушбу видеолавҳани томоша қилиш учун “Ўзбектуризм” МК ҳамда euronews.com веб-саҳифаларига ташриф буюришингиз мумкин.
Euronews каналининг юртимизга бағишланган кўрсатувининг навбатдаги сони 2500 йил тарихга эга қадимий Термез шаҳри меъморчилигига бағишланади.
Айтиб ўтиш жоизки, «Euronews» ахборот агентлиги дунёнинг 13 тилида эфирга узатилади ва каналнинг 155 мамлакатдаги томошабинлар кўлами 370 миллион нафарни ташкил этади.
