“Камолот” ёшлар ижтимоий ҳаракати ва “Ўзбеккино” миллий агентлиги ҳамкорлигида ўтказилган “PROlogue” – ёш киноижодкорларнинг қисқа метражли фильмлари фестивали ғолиблари тақдирланди.
Кинематография соҳасидаги ёш истеъдодларни қўллаб-қувватлаш, уларнинг профессионал малакасини ошириш мақсадида уюштирилган ушбу фестиваль давомида 20 та қисқа метражли фильм намойиш этилди.
Фестивалда ижодий ишлар турли номинациялар бўйича баҳоланди.
Ҳабибулло Лутфуллаев суратга олган ёшлар ҳаётидан ҳикоя қилувчи “Оқ булут” мелодрамаси “Энг яхши қисқа метражли бадиий фильм” деб топилди.
