Louis Vuitton модалар уйи ўз дўконларида 2016 йилнинг баҳор ва ёз фаслларига мўлжалланган аксессуарлар ва кийим-кечаклар коллекциясини намойиш қилди, деб хабар бермоқда “Lenta.ru”.
Коллекциядан классик ва спорт услубидаги оёқ кийимлар, камарлар, кроссовкалар шунингдек-турли аксессуарлар — чарм ва металдан ишланган билакузуклар ўрин олган.
Модалар уйи эркаклар либослари коллекцияси бош дизайнери Ким Жонс асосий эътиборини спорт йўналишига қаратди. 2016 йил баҳор мавсуми оёқ кийимлари коллекциясидан асосан кета ва бошқа турдаги спорт оёқ кийимлари жой олган. Улар одатдагидек Louis Vuitton брендига хос Epi ва Damier чарми ҳамда Monogram текстиль матосидан ишланган.
Коллекция ранглар жамланмаси асосан оч ва ёрқин ранглардан иборат. Қизил, ҳаворанг, оч жигарранг шулар жумласидан. Christopher PM рюкзакининг янги кўриниши эса коллекция “хит”и ҳисобланади.
Коллекциядан шунингдек, бир ва икки томонлама кийиладиган кўк ва кулранг пиджаклар ва 50 йиллар услубидаги костюмлар ҳам ўрин олган.
Эслатиб ўтамиз, Louis Vuitton 1854 йилда Францияда йўл сумкалари тайёрлаш бўйича мутахасис Луи Виттон томонидан асос солинган компания ҳисобланади.
