Россиянинг Воронеж вилоятидаги автобус иштирокидаги ЙТҲ оқибатида тўрт киши ҳалок бўлди, деб хабар беради “Lenta.ru”.

Йўл-транспорт ҳодисаси 29 ноябрдан 30 ноябрга ўтар кечаси М-4 «Дон» йўлининг 560- километрида юз берган.  Жанубга томон ҳаракатланаётган  Yutong русумли автобус  йўлидан чиқиб, ағдарилиб кетган.  Дастлабки маълумотларга кўра,  36 ёшли автобус ҳайдовчиси ноқулай об-ҳаво шароити туфайли бошқарувни йўқотган. Ҳодиса юз берган пайтда кучли жала ёғаётган эди.

Йўл-транспорт ҳодисаси оқибатида 14 ёўловчи жароҳатланган, тўрт киши ҳалок бўлган.

Маълумотларга кўра, автобус  Москва — Донецк йўналишида ҳаракатланаётган эди.  Жароҳатланганлар Воронеж ва Бобров шаҳарларидаги шифохоналарга етказилган.