Ўзбекистон ахборот технологиялари ва коммуникацияларини ривожлантириш вазирлиги 2019 йилгача Ўзбекистонда интернет тезлигини ҳозиргидан 20 мартага ошишини таъкидламоқда.
Мазкур жараён Ўзбекистон Республикаси Президентининг 2015 йилда тасдиқланган 2015-2019 йилларда ахборот-коммуникация технологияларининг манзилли ривожлантириш дастурига мувофиқ амалга оширилмоқда.
Дастур ўзида умумий суммаси 883,7 млн доллардан иборат 9 та йирик инвестиция лойиҳаларини жамлаган, улар орасида қуйидаги лойиҳалар мавжуд:
- мобил алоқа тармоқларини, хусусан, HSPA+, 4G LTE технологияларини ривожлантириш;
- қайд этилган ва симсиз кенг полосали уланиш тармоқларини кенгайтириш;
- маълумотлар узатиш магистрал ва мултисервис тармоқларини кенгайтириш, оптик-толали алоқа линияларини қуриш;
- мултимедиа хизматларининг янги турларини жорий этиш ва контентни ривожлантириш учун қулай шароитларни яратиш.
Мазкур лойиҳаларни амалга ошириш натижасида қуйидагилар кўзда тутилган:
- қайд этилган кенг полосали уланиш портлари сонини 2,2 марта ошириш;
- маълумотлар узатиш тезлигини 20 мартага ошириш;
- 20дан ортиқ янги хизмат турларини жорий этиш, жумладан, IP-телевидения, IP-телефония ва бошқа хизматларни янада ривожлантириш.
