SSV xabar berishicha, poytaxtda yana ikki nafar bemor vafot etgan.
Xabarda Toshkent ulardan biri shahar Uchtepa tumanida yashagan 43 yoshli R.A. (erkak) bo`lib, 27 iyul kuni og`ir holatda Toshkent tibbiyot akademiyasining klinikasiga yotqizilgani aytilmoqda.
Unga “COVID-19” infeksiyasining o`ta og`ir kechishi, ikki tomonlama pnevmoniya tashxisi qo`yilgan. Kasallik o`tkir respirator distress sindromi, o`tkir nafas va poliorgan etishmovchiligi asoratlari bilan kechgan.
Bundan tashqari, bemor yurak ishemik kasalligi, stabil stenokardiya kabi hamroh xastaliklar bilan ham og`rigan.
Bemor o`tkir nafas, yurak qon-tomir va poliorgan etishmovchiligidan vafot etgan.
Yana bir poytaxtlik 57 yoshli R.K. (ayol)da 21 iyul kuni “COVID-19” tasdiqlangan va shifoxonaga yotqizilgan.
Bemorga “COVID-19” infeksiyasining o`ta og`ir kechishi, ikki tomonlama pnevmoniya tashxisi qo`yilgan. Kasallik o`tkir yurak qon-tomir va nafas etishmovchiligi, infeksion toksik shok asoratlari bilan kechgan.
Shuningdek, unda yurak ishemik kasalligi, stabil zo`riqish stenokardiyasi, gipertoniya kabi hamroh xastaliklar ham bo`lgan.
Ayol o`tkir nafas va yurak qon-tomir etishmovchiligi, o`tkir respirator distress sindromi, infeksion toksik shokdan vafot etgan.
