Ikki britaniyalik ayol er yuzini velosipedda aylanib chiqishdi

Dunyo 03.08.2020, 13:13
Ikki britaniyalik ayol er yuzini velosipedda aylanib chiqishdi

Buyuk Britaniya fuqarolari – 2 nafar ayol kishi qo`sh velosipedda dunyoni eng qisqa muddatda aylanib chiqqan insonlar sifatida Ginnes rekordlari kitobiga kiritildi. Bu haqda “Upi” axborot agentligi ma`lum qiladi, deb yozmoqda UzA. 

Rekord sohibalarining ismi-sharifi Ket Dikson va Raz Marsden. Ularning har ikkalasi 50 yoshlik dovondan o`tgan. Oksforddan 2019 yil 29 iyunda yo`lga chiqqan bu havaskor sportchilar 263 kun deganda - 2020 yil 18 mart kuni Londonga kirib kelishdi. Aniqlanishicha, ular har kuni o`rtacha 50-60 kilometrni ortda qoldirishgan.

Yangi natija haqida 18 noyabr – Ginnes rekordlari kuniga tayyorgarlik doirasida e`lon qilindi.

Eslatib o`tamiz, bu yil mazkur sana «O`z dunyongni kashf qil!» shiori ostida o`tadi.

Velosportchilar Fransiya, Monako, Italiya, Sloveniya, Xorvatiya, Chernogoriya, Albaniya, Gresiya, Turkiya, Gruziya, Hindiston, Tailand, Malayziya, Singapur, Avstraliya, Yangi Zelandiya, AQSh, Meksika, Marokash, Ispaniya va Gibraltar hududidan o`tishdi.

Ular yo`l-yo`lakay 50 ming dollar yig`ishdi va bu mablag`ni homiylik yo`lida sarflashdi. Ket va Raz bu borada nafaqat ayollar, balki erkaklarga tegishli rekordni ham yangiladilar. Er yuzini velosipedda aylanib chiqqan kuchli jins vakillarining eng yuqori ko`rsatkichi hozirgacha 281 kun edi.

Sharhlar

Ob-havo: Toshkent
Valyuta kursi
1