COVID-19 pandemiyasi tufayli yuzaga kelgan vaziyat biologik urush repetisiyasiga o`xshab ketyapti, dedi Rossiyadagi mashhur bolalar jarrohi, tibbiyot fanlari doktori Leonid Roshal Forbes nashriga bergan intervyusida. Bu haqda O`z A xabar berdi.
Uning izoh berishicha, bunga o`xshash infeksiyalar bilan kurashga hamma mamlakatlar ham tayyor emas. Rossiya misolida esa, koronavirus tarqalishiga qarshi kurashga hamma, jumladan, Prezident ham qo`shildi, dedi vrach. Shunga qaramay, "virus chegara bilmayapti", epidemiya ko`lamini oldindan aytib bo`lmayapti. Xususan, odamlarning o`zi ham vaziyatning murakkablashuviga olib kelmoqda.
"Yuzaga kelgan vaziyatni tahlil qilar ekanman, tushunyapmanki, bu biologik urush. Mazkur virus inson tomonidan yaratildi, demoqchi emasman. Bunday deyishga etarli asoslar yo`q, qolaversa, men virusolog ham emasman. Biroq bu sog`liqni saqlash tizimi mustahkamligini, shuningdek, mamlakatning biologik mudofaasini sinovdan o`tkazish hamdir", – dedi Roshal.
"Biz mazkur tizimni qisman yo`qotdik. Hozir u sinovdan o`tyapti", — dedi rossiyalik vrach.