"Italiya olimlarining so`zlariga ko`ra, odamlar uy hayvonlariga koronavirus yuqtirishlari mumkin", - deya xabar bermoqda Korotko o glavnom kanali.
Olimlar Shimoliy Italiya fermalarida 540 it va 277 mushukni tekshirgandan so`ng shunday xulosaga kelishdi. Bu hayvonlar koronavirus yuqtirganlar bilan epidemiya ta`sir ko`rsatgan joylarda yashagan. Natijada 3,4% itlarda va 3,9% mushuklarda antitelalar aniqlangan.
Mushuklar va itlardan odamlarga yuqtirish mumkinmi yoki yo`qligi hali ham noma`lum. Fridrix Leffler instituti rahbari Tomas Mettenleyterning so`zlariga ko`ra, SARS-Cov-2 koronavirusi tarqalishida itlar va mushuklar hali ham biron bir rol o`ynamagan.