AQShdagi “Novavax” firmasi tomonidan ishlab chiqilgan koronavirusga qarshi qo`llanishi ehtimoli mavjud bo`lgan vaksina ikki bor muvaffaqiyatli sinovdan o`tkazilgani haqida xabar berildi. Bu haqda «RIA Novosti» ma`lum qilgan, deb yozadi “Dori-Darmon” AK Axborot xizmati
Tadqiqotlarning birida ishtirok etgan 56 nafar ko`ngillida xavfli asoratlar namoyon etmagan, virusga qarshi yuqori darajada kurashuvchanlik xususiyatiga ega aksil tanachalar paydo bo`lgan. Ikkinchi tadqiqot davomida esa izlanuvchilar vaksina tajribadan o`tayotgan mijozlarni koronavirus yuqishidan himoya qilishini aniqladilar.
Merilend shtatidagi uncha taniqli bo`lmagan “Novavax” kompaniyasi vaksinani ishlab chiqish uchun AQSh federal hukumatidan 1,6 milliard dollar olgan. Amerika hukumati vaksina yaratishi mumkin bo`lgan boshqa ishlab chiqaruvchilar bilan ham kelishuvlar olib borib, shartnomalar tuzmoqda.
“Novavax” sinovlarining muvaffaqiyati tasdiqlangan taqdirda kompaniya vaksinani qachon ishlab chiqara boshlashi mumkinligi bilan bog`liq sana aniq aytilmagan.