AOKA huzuridagi shtabda Koronavirusga qarshi kurashish shtabi a`zosi Barno Abdusamatova ishtirokida brifing o`tkazildi. Brifingda aholidan kelgan savollar bo`yicha javob qaytarildi:
Savol: Men o`zimda COVID-19 kasalligini gumon qilyapman, lekin menda alomatlar yo`q. Men PZR tahlili topshirishim va kompyuter tomografiyasi qilishim kerakmi?
–Agar kasallik alomtalari bo`lmasa koronavirusga tekshirish hech qanday natija bermaydi.
Siz bugun xalqumdan olingan surtmada manfiy javob olishingiz, ertaga esa kasallikni yuqtirib olish ehtimolingiz mavjud.
Biroq kasallik alomatlari bo`lganda ham ular aynan koronavirus infeksiyasi bilan bog`liqligiga ishonch hosil qilish uchun biror harakatlarni amalga oshirish kerak emas.
Tahlil sog`ayish imkoniyatingizga hech qanday ta`sir ko`rsatmaydi, aksincha vaziyatni yana-da qiyinlashtirishi mumkin. Masalan, tahlil topshirguncha infeksiya yuqtirishingiz mumkin.
O`pka kompyuter tomografiyasi — koronavirusni aniqlash uchun emas, virusli pnevmoniyani tashxislashda foydalaniladi.
KT ni faqatgina bemor ahvoli og`ir bo`lganda, gipoksiyada va kasalxonaga yotqizish zarurligida qilish kerak.
