Farhod Umarov Buxoro viloyati hokimi vazifasini vaqtincha bajaruvchi etib tayinlandi
Bu haqda viloyat hokimligi axborot xizmati ma`lum qildi.
Bugun, 28 avgust kuni Buxoro viloyati hokimligi majlislar zalida faollar yig`ilishi bo`lib o`tdi.
Ayni paytda Buxoro viloyati hokimining moliya-iqtisodiyot va kambag`alchilikni qisqartirish masalalari bo`yicha birinchi o`rinbosari lavozimida faoliyat olib borayotgan Farhod Umarov Buxoro viloyati hokimi vazifasini vaqtincha bajaruvchi etib tayinlanganligi to`g`risidagi Prezident Farmoni o`qib eshittirildi.
Eslatib o`tamiz, 22 avgust kuni Buxoro viloyati sobiq hokimi Karim Kamolov 65 yoshida koronavirus xastaligi sabab olamdan o`tdi.
Sal avval, Buxoro viloyati hokimining yoshlar siyosati, ijtimoiy rivojlantirish va ma`naviy-ma`rifiy ishlar bo`yicha o`rinbosari Mirali Hamroevning Buxoro viloyati hokimi vazifasini bajaruvchi etib tayinlanganligi haqidagi xabarlar rad etilgan edi.
