Dunyodagi eng boy insonning sobiq rafiqasi eng boy ayolga aylandi

Amazon kompaniyasi rahbari Jeff Bezosning sobiq rafiqasi Makkenzie Skottning boyligi $68 milliard dollarga etdi va u dunyodagi eng boy ayolga aylandi. Bu haqda Bloomberg agentligi xabar beradi deb yozmoqda Uzreport. 

Makkenzi turmush o`rtog`i etakchi bo`lgan milliarderlarning umumiy reytingida 12-o`rindan joy oldi.

Bloomberg agentligi o`tgan yilning yanvar oyida Makkenzining Bezos bilan bilan ajrashganidan so`ng dunyodagi eng boy ayol bo`lishi mumkinligini haqida xabar qilgan edi.

1980-yillarda Jeff Bezos va Makkenzi Skott bir vaqtning o`zida Prinston universitetida ta`lim olishgan, 1992 yilda esa Nyu-Yorkdagi investisiya fondida ishlab yurganlarida tanishishgan. 1993 yilda juftlik turmush qurib, bir yildan so`ng Sietlga ko`chib o`tishgan. U erda Jeff Bezos onlayn-savdoga ixtisoslashgan Amazon.com kompaniyasiga asos solgan.