Surxondaryoning Termiz shahrida Mehribonlik uyining yaqinidan qopga solib, tashlab ketilgan chaqaloq topilgan. Bu go`dakni Post-patrul xizmati xodimi ko`rib qoladi va unga birinchi yordam ko`rsatiladi. Mazkur hodisa yuzasidan “Zamon.uz” xabar berdi.
Chaqaloq joriy yilning 27 sentyabr kuni Termiz shahridagi 12-mehribonlik uyi ostonasida qoldirib ketilgan. Post-patrul xizmati xodimi chaqirgan "Tez yordam" guruhi chaqaloqni viloyat perinatal markaziga olib ketgani aytilmoqda.
PPX xodimi Sarvar Qurbonovning so`zlariga ko`ra, hozircha go`dakni kim tashlab ketgani ma`lum emas. Ayni paytda tezkor tergov guruhi surishtiruv ishlari olib bormoqda. Holat bo`yicha jinoiy ish qo`zg`atilgan, deyiladi xabarda. Video:
