Namangan viloyati hokimi Shavkatjon Abdurazzaqov MIB xodimlari harakatiga norozilik sifatida o`ziga o`t qo`yib, vafot etgan ayol xonadoniga bordi. Bu haqda viloyat hokimligi Matbuot xizmati ma`lum qildi.
Shavkatjon Abdurazzaqov Namangan shahridagi “Istiqbol” mahallasida bo`lib, marhuma Gulandom Dadaboevaning yaqinlariga ta`ziya bildirdi. Uning 15 va 12 yashar o`g`illari munosib sharoitlarda voyaga etishlarida har tomonlama ko`mak berilishini ta`kidladi.
—Mazkur holat bo`yicha hozirda prokuratura idoralari tomonidan tergov harakatlari olib borilmoqda. Ularning natijasi bo`yicha vaziyatga qonuniy, huquqiy baho beriladi va bu haqda albatta jamoatchilikka ma`lum qilinadi, — dedi viloyat hokimi.
Eslatib o`tamiz, 2020 yil 29 sentyabr kuni Namangan shahrida istiqomat qilgan 35 yoshli Gulandom Dadaboeva ijro harakatlari davomida o`zining ustiga benzin quyib, yoqib yuborgandi.
Ayol 30 sentyabr kuni tanasining 80 foizdan ortiq kuyish tan jarohati oqibatida RShTYoIM Namangan filialida vafot etgan.
Mavzuga doir:
MIB Namanganda o`zini yoqqan ayolning 13 ming dollar puli nega undirilmaganiga oydinlik kiritdi