Flandriya muhojirlar monitoringining ma`lumotlariga ko`ra, Belgiyadagi har beshinchi odam chet el fuqarosi sanaladi. Bu haqda “TASS” xabar bermoqda.
Tadqiqot natijalariga ko`ra, Flandriya(Belgiyaning bir qismi)da chet el fuqarolarining soni yildan-yilga ortib bormoqda. Jumladan, 2005 yilda bu erda 300 ming fuqaroligi bo`lmagan shaxs istiqomat qilgan bo`lsa, bugunga kelib ularning soni 500 mingga etdi.
“Belgiya fuqaroligini olgan chet el fuqarolarini ham qo`shib hisoblaydigan bo`lsak, bu raqamlar 1,2 million kishiga etadi. Bu esa Flandriya aholisining 18 foizi demakdir”, — deyiladi xabarda.
Hujjat mualliflarining ta`kidlashicha, chet el fuqarolari umumiy sonining yarmini Yaqin Sharq, Afrika va Osiyo mintaqalari mamlakatlari fuqarolari tashkil etadi. Muhojirlarning qolgan ikkinchi yarmini esa Sharqiy Evropa davlatlari fuqarolari tashkil etadi.
