Samarqand viloyatida joylashgan konserva zavodida yong`in sodir bo`ldi. Bu haqda FVV matbuot xizmati xabar bermoqda.
Manbaning ma`lum qilishicha, 24 oktyabr kuni “Spitamen shox” ko`chasida joylashgan konserva zavodining omborida yong`in sodir bo`lgan.
Yong`in haqida xabar soat 20:20 da kelib tushgan. FVV hududiy boshqarmasining 10 ga yaqin yong`in-qutqaruv guruhlari hodisa joyiga etib borib, yog`och materiallari va boshqa buyumlar bo`lgan omborxonani o`chirish uchun taxminan 50 daqiqa vaqt sarflagan.
Yong`inning umumiy maydoni 650 kvadrat metrni tashkil etgan, uning yuzaga kelishi sababi aniqlanmoqda.
Hodisa oqibatida tan jarohati olganlar va vafot etganlar yo`q.
