So`nggi kunlarda ijtimoiy tarmoqlarda Samarqnd va Andijon viloyatida MTT tarbiyachilari sifatsiz ko`mirdan briket (tappi) tayyorlayotgani aks etgan surat va xabarlar tarqaldi.
Maktabgacha ta`lim vaziri o`rinbosari Shodiyor Mamamqulov mazkur holatga munosabat bildirdi.
"Ushbu holat Samarqand viloyati Tayloq tumanidagi 30-sonli maktabgacha ta`lim muassasida bo`lgan. Ushbu muassasaga 11 tonna ko`mir keltirilgan. Ana shu ko`mirning 400-500 kilogrami maydalangan, sifatsiz ko`mir shaklida bo`lgan va shu sababli xodimlar tomonidan shu holatda tayyorlangan.
Maktabgacha ta`lim muassasasi direktori ko`mirni uvol qilmaslik maqsadida o`z ixtiyorlari bilan qo`lbola briketlarni yasagani ma`lum bo`ldi", deya izohladi mas`ul.