«Sog`lom turmush tarzini hayotga keng tatbiq etish va ommaviy sportni yanada rivojlantirish chora-tadbirlari to`g`risida» prezident farmoni qabul qilindi deya yozmoqda kun.uz Farmon asosida «Sog`lom turmush tarzi» platformasi ishlab chiqiladi. Bunda: O`zbekiston hududida bir sutka davomida o`n ming va undan ortiq qadam yurgan 18 va undan yuqori yoshdagi O`zbekiston Respublikasi fuqarosining platformadagi elektron hamyoniga 3 ming so`mdan; har oyda har bir tuman (shahar) bo`yicha eng ko`p yurgan shaxsga 300 ming so`mdan, har bir hudud bo`yicha eng ko`p yurgan shaxsga 500 ming so`m, respublika bo`yicha eng ko`p yurgan shaxsga 1 mln so`m qo`shimcha ravishda platformadagi elektron hamyoniga o`tkaziladi. «Sog`lom turmush tarzi» platformasi 2021 yil 1 martga qadar ishlab chiqiladi. Ommaviy sportni rivojlantirish va sog`lom turmush tarzini targ`ib qilishda yurish, yugurish, mini-futbol, velosport, badminton, stritbol, «Workout» (mahalla va ko`cha fitnesi) sportning ustuvor turlari etib belgilandi: Ushbu sport turlarini ommaviylashtirish va rivojlantirish dasturlarini amalga oshirish uchun Davlat byudjetidan 2021 yildan boshlab dasturlar to`liq bajarilgunga qadar har yili 104 mlrd so`mdan ajratiladi. Jismoniy imkoniyati cheklangan va nogironligi bo`lgan shaxslarni jismoniy tarbiya va sport bilan shug`ullanishga jalb qilishga qaratilgan dasturlarni moliyalashtirish uchun Davlat byudjetidan 2021 yildan boshlab dasturlar to`liq bajarilgunga qadar har yili 10 mlrd so`mdan mablag`lar ajratiladi. |
25.04.2024, 18:45
Atrof-muhitdagi jiddiy o`zgarishlar, yangi turmush tarzi tendensiyalari va noto`g`ri ovqatlanish tufayli yosh avlod o`zini tez qarishga mahkum qilmoqda, deydi olimlar. Bu xaqda zamon.uz xabar berdi. Yaqinda TikTok foydalanuvchilari...
