Ilhom Mahkamovga O`zbekiston transport vaziri vazifasini bajarish yuklatildi. Bu haqda "Huquqiy axborot" xabar berdi. Hukumatning bu haqdagi tegishli qarori 30 oktyabrda qabul qilingan. Transport vazirligi 2019 yil fevralida avtomobil, temir yo`l, havo, daryo transporti, metropoliten, shuningdek, yo`l xo`jaligi sohasidagi davlat boshqaruvi organi sifatida tashkil etilgan va unga Ochilboy Ramatov rahbar etib tayinlangandi. 2020 yil yanvarida Ochilboy Ramatov o`rniga Elyor G`aniev tayinlangan va shu yilning avgustida boshqa ishga o`tishi munosabati bilan lavozimidan ozod etilgan, shundan buyon ushbu lavozim vakantligicha qolgandi. Ilhom Mahkamov lavozimga tayinlanguniga qadar transport vazirining birinchi o`rinbosari bo`lgan. |
