O`zbekiston Respublikasi Prezidenti huzuridagi Davlat xizmatini rivojlantirish agentligi O`zbekiston Respublikasi Qishloq xo`jaligi vazirligi bilan hamkorlikda Vazirlik Markaziy apparatida mavjud bo`lgan bo`sh lavozimlarni malakali va eng munosib nomzodlar bilan ta`minlash maqsadida ochiq mustaqil tanlov e`lon qiladi. Bu haqda Qishloq xo`jaligi vazirligi Matbuot xizmati xabar bermoqda.
Tanlovda ishtirok etish istagida bo`lgan nomzodlar Davlat xizmatini rivojlantirish agentligining
“Davlat fuqarolik xizmatchilari vakant lavozimlarining yagona ochiq portali”
vacancy.argos.uz orqali ro`yxatdan o`tishlari mumkin.
Qishloq xo`jaligi vazirligida mavjud bo`sh lavozimlardan birini tanlab, so`ralgan hujjatlarni elektron shaklda taqdim etishlari lozim.
Nomzod bir vaqtning o`zida 3 ta bo`sh lavozim uchun ariza bilan murojaat etishi mumkin.
Tanlovda ishtirok etish bo`yicha arizalarni qabul qilish faqat nomzodlar tomonidan saytdagi elektron so`rovnomani to`ldirish orqali amalga oshiriladi.
Tanlov to`g`risidagi batafsil ma`lumotlar bilan O`zbekiston Qishloq xo`jaligi vazirligining rasmiy sayti agro.uz hamda
+998 71 263-03-36, 260-36-87 telefon raqamlari orqali bilib olishingiz mumkin.
Nomzodlardan ariza va kerakli hujjatlar 2020 yil 20 oktyabrdan 6 noyabrgacha qabul qilinadi.
Ariza va hujjatlarni qabul qilish vaqti o`tgandan so`ng yuborilgan ariza qabul qilinmaydi hamda hujjat egalari tanlovda ishtirok eta olmaydi.
