D vitamini koronavirusga chalinishga moyillikka bevosita ta`sir qilmaydi, biroq u immunitetni oshiradi va bu koronavirusdan himoyalanishda yordam beradi.
Quyosh nuri etishmaganda organizm ushbu vitamindan kamroq oladi va buning natijasida immunitet pasayadi.
“Oxirgi tadqiqotlardan biri qonda D vitamini kamligi koronavirusga chalinish vaqtidagi prognozni jiddiy yomonlashtirishidan darak bermoqda. Odamda D vitamini me`yorida bo`lsa, uning infeksiyani engishi oson kechadi.
“D vitaminining asosiy va samarali manbai – bu baliq va dengiz mahsulotlaridir. Bunda, albatta, dengiz mahsulotlarining qimmat turlarini xarid qilish shart emas, baliq yog`li va dengizniki bo`lsa etarlidir.
Bunda seld ham yaraydi, faqat u juda sho`r bo`lmasligi kerak. Shuningdek, losos va skumbriya ham foydali. Tarkibida baliq yog`i bor bo`lgan barcha mahsulotda D vitamini ko`p bo`ladi.
Sentyabr oxirida Boston universiteti tibbiyot maktabi olimlari organizmda D vitamini etarlicha miqdorda bo`lgan koronavirusga chalingan bemorlar orasida uning taqchilligi kuzatilganlarga nisbatan og`ir holatlar va o`limlar kam bo`lishi haqidagi xulosaga kelishgan.