Maktabgacha ta`lim tashkilotlari tizimida “dual” ta`lim yo`nalishi joriy etilmoqda

 Bugun Maktabgacha ta`lim vazirligi tomonidan Toshkent viloyatidagi 4 ta MTT hamda O`rta Chirchiq tumanidagi pedagogika kollejiga press-tur uyushtirildi. Unda "Darakchi" muxbiri ishtirok etdi. 

Toshkent viloyatida 789 ta maktabgacha ta`lim tashkiloti, jumladan,   481 ta davlat, 26 ta idoraviy, 112 ta xususiy, 18 ta DXSh asosidagi va 152 ta oilaviy maktabgacha ta`lim tashkiloti mavjud. 2020 yilning 3-choragi holatiga ko`ra, Toshkent viloyatida maktabgacha ta`limga bolalarni qamrab olish ko`rsatkichi 49,5% ni tashkil etdi (2017 yilda 27,2%). Joriy yil oxiriga qadar MTV ushbu ko`rsatkichni 57,4% ga oshirishni rejalashtirmoqda. O`tgan uch yil mobaynida Toshkent viloyatida maktabgacha ta`lim tashkilotlari soni 1,8 barobar oshdi.

"Oltin baliqcha"12-sonli maktabgacha ta`lim tashkiloti, Toshkent viloyati

Keles shahrida joylashgan 12-sonli "Oltin baliqcha" MTT 2020 yilda ishga tushirildi. Yangi MTT sobiq tuman sud binosida joylashgan. Mazkur inshoot Maktabgacha ta`lim vazirligi balansiga olinib, "AngleseyFood" YaT MChJ (korzinka.uz) homiyligida rekonstruksiya qilindi. Quvvati 480 o`rin, yaratilgan ish o`rinlari soni 25 tani tashkil etadi. To`la vaqtli guruhlardan tashqari, 12-sonli MTTda 6 yoshli bolalarni maktabga tayyorlash bo`yicha bepul qisqa muddatli guruhlar faoliyati tashkil etilgan.

MDO va "Anglesey Food" YaT MChJ o`rtasidagi hamkorlik bu hayriya faoliyati shaklidagi davlat-xususiy sherikligidir (DXSh). 

"Aqlvoy" mobil MTT, Yangiyo`l tumani 

Yangiyo`l tumanida “Isuzu” avtobusi vositasida mobil MTT faoliyat yuritadi. Yo`llovchilar 3 yoshdan, 7 yoshgacha bo`lgan bolalarni qamrab oladi. O`qituvchilar, o`quvchilar bilan turli yosh guruhlari uchun mo`ljallangan dastur bo`yicha ish olib boradilar, avtobus marshrutining har bir nuqtasi to`siqlar, kursi, arg`imchoq, o`yingoh va bolalar maydonchalari bilan jihozlangan.

"Aqlvoy" mobil MTT oddiy maktabgacha ta`lim tashkilotlari bo`lmagan chekka qishloq joylarida faoliyat ko`rsatadi.

24-sonli MTT, Quyi Chirchiq tumani 

Quyichirchiq tumani 24-sonli MTT idoralararo hamkorlik doirasida O`zbekiston davlat bojxona qo`mitasi ko`magida qurilgan. MTT quvvati 160ta o`rin, yaratilgan ish o`rinlari soni 30 tani tashkil etadi.

“Eruditkidsplanet”, Nurafshon shahar

“Erudit kids planet” 100 o`rinli oilaviy maktabgacha ta`lim tashkilotidir. MTTda 15 nafar o`qituvchi va ma`muriy xodimlar faoliyat ko`rsatib, to`garaklar tashkil etilgan.

MTTda barcha belgilangan havfsizlik choralari ko`rilgan: niqob rejimi va ijtimoiy masofa saqlashga rioya etiladi, bolalar va xodimlar ertalab tekshiruvdan o`tkaziladi hamda harorat kuniga ikki marta o`lchanadi. Guruhlarda tozalash kuniga 4 marta amalga oshiriladi, binolar jadvalga muvofiq shamollatiladi.

Toshkent viloyat pedagogika kolleji

Toshkent viloyat pedagogika kolleji dual ta`lim joriy etilgan birinchi o`quv yurti bo`ladi. Kollej o`quvchilari akademik bilim olish bilan parallel ravishda bolalar bilan ishlash bo`yicha amaliy ko`nikmalarni rivojlantiradilar. Shu maqsadda kollejda 240 nafar o`quvchiga mo`ljallangan yangi davlat maktabgacha ta`lim tashkiloti qurildi.

Dual ta`lim modelining an`anaviy ta`limga nisbatan ustunligi undagi nazariya va amaliyotning mustahkam bog`liqligidadir. O`quvchilar o`rganayotgan narsalariva olgan ma`lumotlarini o`z ishlariga qanday tatbiq etish mumkinligini biladilar. Bunday yondashuv natijasida maktabgacha ta`lim tizimi nafaqat pedagogik bilimlarni o`zlashtirgan, balki bolalar bilan ishlashni biladigan o`qituvchilarga ham e`tibor berilgan.

MTV mamlakatimiz bo`ylab 97 ta pedagogika kollejida dual ta`lim tizimini joriy etmoqda. Kollejlardagi maktabgacha ta`lim tashkilotlari bepul bir yillik maktabga tayyorlov, shuningdek, o`rnatilgan tartibda boshqa ta`lim xizmatlarini ko`rsatishni amalga oshiradi