O`zbekiston Respublikasi Prezidenti Administrasiyasining sayyor qabullar o`tkazish haqidagi topshirig`iga asosan O`zbekiston Respublikasi Oliy sudi raisi o`rinbosari I. Muslimov va Oliy sudi sudyalari tomonidan 2020 yil 11 noyabr kuni Samarqand viloyatining Kattaqo`rg`on shahrida Alisher Navoiy nomidagi madaniyat va istirohat bog`ida o`tkazilgan sayyor qabulda jami 89 ta fuqarolar qabul qilindi. Bu haqda O`zbekiston Respublikasi Oliy sudi katta konsultanti Akrom ARIPOV xabar qildi.
Qabul qilingan fuqarolarning 32 tasi jinoyat ishlari bo`yicha, 29 tasi fuqarolik ishlari bo`yicha, 27 tasi ma`muriy ishlar bo`yicha va 1 tasi iqtisodiy ishlar bo`yicha sudlarga oid murojaatni tashkil etdi. Shundan 24 ta fuqaroning og`zaki murojaati, 65 ta fuqaroning yozma murojaati qabul qilindi.
Jami 89 ta murojaatdan 24 tasi bo`yicha huquqiy tushuntirish berildi, 65 ta murojaat joyida ijobiy hal etilib, qanoatlantirildi.
17 ta murojaat bo`yicha arizalar Oliy sud tomonidan nazorat tartibida va viloyat sudlariga taaluqligi bo`yicha hal qilish uchun qabul qilindi va barchasi qanoatlantirilib, tegishli sudlov xay`atlariga ko`rib chiqish uchun o`tkazildi.
48 ta murojaat quyidagicha ijobiy hal qilindi:
- Jinoyat ishlari bo`yicha Kattaqo`rg`on shahar sudi tomonidan 9 ta, Kattaqo`rg`on tuman sudi tomonidan 3 ta, Paxtachi tuman sudi tomonidan 9 ta, jami 21 nafar shaxs jazoni o`tashdan muddatidan oldin ozod qilindi;
- 6 nafar fuqarolar tashakkurnoma bildirdi;
- 1 nafar murojaat joyida qanoatlantirilib, sud qarori berildi;
- Shuningdek, 20 nafar shaxsga nisbatan qo`zg`atilgan ma`muriy javobgarlik to`g`risidagi ishlar sayyor sud majlisida ko`rilib, ularning murojaati qanoatlantirilib, MJtKning 271-moddasi 1-qismi va MJtKning 21-moddasiga asosan ma`muriy javobgarlikdan ozod qilindi.
Shu bilan birga O`zbekiston Respublikasi Oliy sudi raisining o`rinbosari I. Muslimov tomonidan 2020 yil 10 noyabr kuni Samarqand tumanida o`tkazilgan sayyor qabulida murojaat qilgan B. Bahronbekovning onasi F.Boboqulovaga oid jinoyat ishi bo`yicha murojaat qilgan bo`lib, ushbu ish bo`yicha chiqarilgan sud hukmi ijrosini vaqtinchalik to`xtatib turish haqidagi vaji qanoatlantirilib, sud hukmi ijrosi joyida to`xtatildi.
Qolaversa, kecha - 11 noyabr kuni Samarqand viloyatining Payariq tumanidagi Markaziy istirohat bog`ida ham sayyor qabul o`tkazildi. Unda jami 59 ta fuqarolar qabul qilindi.
Qabul qilingan fuqarolarning 30 tasi jinoyat ishlari bo`yicha, 21 tasi fuqarolik ishlar bo`yicha, 7 tasi ma`muriy ishlar buyicha, 1 tasi iqtisodiy ishlar bo`yicha sudlarga oid murojaatlarni tashkil etdi. Shundan 28 ta fuqaroning og`zaki murojaati, 31 ta fuqaroning yozma murojaatlari qabul qilindi.
Jami 59 ta murojaatlardan 28 tasi bo`yicha huquqiy tushuntirishlar berildi, 31 ta murojaat joyida ijobiy hal etilib, murojatlar qanoatlantirildi.
7 ta murojaat bo`yicha arizalar Oliy sud tomonidan nazorat tartibida va viloyat sudlari taaluqligi bo`yicha xal qilish uchun qabul qilindi, ushbu murojaatlarning barchasi qanoatlantirilib, tegishli sudlov xay`atiga ko`rib chiqish uchun o`tkazildi.
24 ta murojaat quyidagicha ijobiy hal qilindi:
- Jinoyat ishlari bo`yicha Qo`shrabot tuman sudi tomonidan 4 ta, Ishtixon tuman sudi tomonidan 7 ta, Payariq tuman sudi tomonidan 6 ta, jami 17 nafar shaxs jazoni o`tashdan muddatidan oldin ozod qilindi;
- 2 nafar fuqarolar tashakkurnoma bildirdi;
- 1 nafar murojaat joyida qanoatlantirilib, sudlanganlik holati tugatildi;
- Shuningdek, 4 nafar shaxsga nisbatan qo`zg`atilgan ma`muriy javobgarlik to`g`risidagi ishlar sayyor sud majlisida ko`rildi, ularning murojaati qanoatlantirilib, MJtKning 21-moddasiga asosan ma`muriy javobgarlikdan ozod qilindi.
