Sputnik.uz ning xabar berishicha, Rossiya hukumati ayrim migrantlar uchun chegarani ochishga tayyor. Bu haqda Rossiya bosh vaziri o`rinbosari Marat Xusnullin brifingda aytib o`tdi.
Uning ta`kidlashicha, pandemiya davrida qurilish sohasida ishchi kuchining etishmovchiligi yuzaga kelgan - ko`plab mehnat migrantlari uyga ketgan va Rossiyaga qaytolmayapti.
Endi hukumat bu muammoning echimini qidirmoqda: Rossiya hukumati migrantlarning qurilish maydonchalarida ishlashi uchun mamlakatga kirishiga ruxsat bermoqchi. Bundan tashqari, bu tajriba allaqachon mavjud.
""Vaxtavik"larni ma`lum qurilish maydonchalariga olib kelish kerak bo`lsa, bir qator korxonalarda bunday tajriba mavjud. Biz shunday qarorlarni qabul qilardik, barcha choralar ko`rilib, karantinga rioya qilingan. Tibbiy ko`rik, barcha tahlillar - hammasi ish beruvchilarning hisobidan. Va odamlar olib kelingan", - dedi u.
Xusnullinning qo`shimcha qilishicha, davlat ko`magi tufayli Rossiyada qurilish loyihalari tobora ko`payib bormoqda, ammo hozirda odamlarning etishmovchiligi keskin sezilmoqda.
