Facebook ijtimoiy tarmog`ining o`zbek segmentida "Xalqqa elektr va gaz bering" nomli xeshteglar trendga aylanmoqda. Bu haqda bloger TеmurMalik yozmoqda.
Uning kuzatishlariga ko`ra, foydalanuvchilar ushbu so`zlar bilan tushirilgan bannerlarni o`zining profiliga yopishtirib chiqishmoqda.
"O`zbekistonda yillar davomida qish kelishi bilan gaz va elektr bilan bog`liq muammolar kun tartibiga chiqadi. Bu muammo na eski O`zbekiston, na yangi O`zbekiston davrida hal etilgani yo`q. Vaholanki, O`zbekiston oltin qazib olish reytingida fahriy ikkinchi o`rinni, gaz qazib olish bo`yicha esa "kuchli yigirmatalik" ro`yxatida o`rin olgan.
«Sug`ur kuni»da qamalib qolgan fuqarolar o`z dardini kimga aytishni bilmaydi. Shu munosabat bilan, bugun internet foydalanuvchilari birlashib, o`ziga xos fleshmoblar orqali o`z e`tirozlarini bildirishmoqda", deya izoh qoldirgan bloger.
