Rossiya Federasiyasi havo transporti federal agentligi yo`lovchi va yuklarni tashish faoliyatini amalga oshiruvchi aviakompaniyalarga Belarus, Isroil, Kipr, Livan, Marokash, Ummon, Slovakiya, Finlyandiya, Xorvatiya, Kuba, Maldiv mamlakatlariga, shu jumladan, O`zbekistonga ham doimiy reyslarni tiklash uchun ruxsat berdi.
Agentlik buyrug`ida ta`kidlanishicha, samolyotlar Novosibirsk - Buxoro, Ekaterinburg - Buxoro, Krasnodar - Qarshi, Moskva - Navoiy, Sankt-Peterburg - Nukus, Ekaterinburg - Urganch va Sankt-Peterburg – Urganch yo`nalishlarida parvoz qilishi mumkin.
