Gap polisiyachining futbol yulduzi pasportini ushlab turgani tasvirlangan videorolik haqida bormoqda.
Ayblanuvchining ta`kidlashicha, bu videorolik 2015 yil dekabr oyida yilning eng yaxshi futbolchisi mukofotini olish uchun borganida Dubay aeroportida tasvirga olingan.
Polisiyachining aytishicha, u futbolchi bilan suratga tushmoqchi bo`lgan, ammo “Barselona” o`yinchisi o`ta charchagan edi. Shundan so`ng u ro`yxatga olish stoliga borgan, u erdan futbolchining pasportini olib, videog olgan. Videorolikda polisiyachi “Bu Messining pasporti. Uni yoqib yuboraymi yoki qaytarib beraymi?” deydi.
Sud bu hatti-harakatni futbolchining shaxsiy hayotiga noqonuniy aralashish deb topdi. 27 yoshli polisiyachining o`zi esa bu ayblovni rad etmoqda. Uning so`zlariga ko`ra, u video tasvirga olish uchun Messining tan soqchisidan ruxsat so`ragan. U, shuningdek, videoning xazil ekanligini aytib o`tgan. Bu haqda Ntv xabar beradi.
