Bugun, 6 dekabr O`zbekiston davlat san`at va madaniyat institutida O`zbekiston xalq artisti, "Mehnat shuhrati" ordeni sohibi, ustoz san`atkor Xayrulla Sa`dievning 80 yoshga to`lgani munosabati bilan tadbir bo`lib o`tdi.
Tadbir davomida Xayrulla Sa`diev O`zbekiston Respublikasi Prezidenti farmoni bilan yana bir mukofot "O`zbekiston Respublikasida xizmat ko`rsatgan yoshlar murabbiysi" faxriy unvoni bilan taqdirlandi. Bu haqda “O`zbekkino” Milliy agentligi Axborot xizmati xabar berdi.
Kechada Prezidentning fan, ta`lim, sog`liqni saqlash va sport masalalari bo`yicha davlat maslahatchisi Abdujabbor Abduvohidov, «O`zbekkino» MA Bosh direktori Firdavs Abduxoliqov, Madaniyat vaziri Ozodbek Nazarbekov hamda san`at va madaniyat sohasi ziyolilari ishtirok etishdi. So`zga chiqqanlar aktyor Xayrulla Sa`dievni bugungi kun bilan tabriklab, ustoz san`atkorga ezgu tilaklar bildirishdi.