Бугун, 6 декабрь Ўзбекистон давлат санъат ва маданият институтида Ўзбекистон халқ артисти, "Меҳнат шуҳрати" ордени соҳиби, устоз санъаткор Хайрулла Саъдиевнинг 80 ёшга тўлгани муносабати билан тадбир бўлиб ўтди.
Тадбир давомида Хайрулла Саъдиев Ўзбекистон Республикаси Президенти фармони билан яна бир мукофот "Ўзбекистон Республикасида хизмат кўрсатган ёшлар мураббийси" фахрий унвони билан тақдирланди. Бу ҳақда “Ўзбеккино” Миллий агентлиги Ахборот хизмати хабар берди.
Кечада Президентнинг фан, таълим, соғлиқни сақлаш ва спорт масалалари бўйича давлат маслаҳатчиси Абдужаббор Абдувоҳидов, «Ўзбеккино» МА Бош директори Фирдавс Абдухолиқов, Маданият вазири Озодбек Назарбеков ҳамда санъат ва маданият соҳаси зиёлилари иштирок этишди. Сўзга чиққанлар актёр Хайрулла Саъдиевни бугунги кун билан табриклаб, устоз санъаткорга эзгу тилаклар билдиришди.
