Axsikent yodgorligi – qadimiy shahar xarobasi To`raqo`rg`on tumanidagi Shahand qishlog`i hududida, Sirdaryoning o`ng sohilida joylashgan.
Prezident Shavkat Mirziyoev ko`rsatmasi asosida Axsikentning haqqoniy tarixini o`rganish, mazkur hududni turizm makoniga aylantirish yuzasidan keng ko`lamli ishlar qilinmoqda.
Olib borilgan tadqiqotlar asosida bu erda turli davrlarga oid ikkita shahar bo`lganligini, ulardan biri qadimgi Axsikat va ikkinchisi Bobur tug`ilgan Axsi ekanligi isbotlangan. Uning xarobalari mahalliy xalq orasida Yangi Axsi toponimi bilan atalib, hozirda uning ozroq qismi Yakka yigit qishlog`i tagida saqlangan.
Avvalroq Yangi Axsida to`planayotgan yuzlab topilmalar qatoriga po`lat xanjar va “Oyatal kursi” bitilgan mis piyola qo`shilgandi.
Navbatdagi topilma noyob Damashq qilichi Axsi osori-atiqalar muzeyiga 510-eksponat sifatida ro`yxatga kiritildi.
Umida Qo`shoqova, Namangandan maxsus tayyorlandi
