Bugun 15-dekabrda Toshkentda an`anaviy madaniy meros haftaligi tantanali ravishda ochildi.
Haftalikka juda katta tayyorgarlik ko`rilgan. Toshkentdagi Yoshlar ijod saroyi bayramona bezatilgan. Binoning kirish qismiga o`rnatilgan monitorlar butun dunyo tamadduniga hissa qo`shgan allomalarimiz siymolarini aks ettiririb turibdi.
Mehmonlar uchun tashkil qilingan katta zalda ayni daqiqalarda IV xalqaro kongressning ochilish marosimi bo`lib o`tmoqda.
Keng zallarda ko`rgazmaga qo`yilgan “O`zbekiston madaniy merosi dunyo to`plamlarida” loyihasi doirasida chop etilgan durdona asarlar jamlanmasi barcha tashrif buyuruvchilarning diqqat-e`tiborini tortmoqda.
Keyingi xabarlarimizda Madaniy meros haftaligi doirasidagi tadbir va muhim yangiliklarini yoritib boramiz.
Foto: Mohigul DIYoRXO`JAEVA
