Prezident Shavkat Mirziyoevning Oliy Majlisga Murojaatnomasida aytilishicha, Pandemiya jahon iqtisodiyoti uchun har oyda qariyb 400 milliard dollar miqdorida zarar keltirmoqda. Hozirga qadar dunyo bo`yicha 500 million ish o`rinlari yo`qotilgan. Afsuski, bu ofat butun insoniyat qatori xalqimiz uchun ham kutilmagan tashvish va murakkab muammolarni keltirib chiqardi.
Pandemiyaning birinchi kunlaridan boshlab, butun boshqaruv tizimi va barcha tibbiyot muassasalari favqulodda ish rejimiga o`tkazilgani, qisqa muddatda Toshkent shahri va hududlarda, barcha sharoitlarga ega bo`lgan qariyb 30 ming o`rinli davolash maskanlari tashkil etilgani, ular zarur dori-darmon, himoya va eng zamonaviy diagnostika vositalari bilan ta`minlangani qayd etib o`tildi.
