Bugun, 8 yanvar kuni Tallimarjon issiqlik elektr stansiyasidagi har birining quvvati 450 MVt bo`lgan ikkita energoblokni to`xtaganligi sababli Qashadaryo viloyatining ayrim hududlari elektr ta`minotida uzilishlar kuzatilmoqda. Bu haqda “Qashqadaryo hududiy elektr tarmoqlari” AJ xabar bergan.
Keltirilishicha, Qamashi, Yakkabog`, Shahrisabz Kitob, Chiroqchi, G`uzor, Nishon tumanlari va Shahrisabz shahri elektr ta`minotidan to`liq uzilmoqda.
Eslatib o`tamiz, kuni kecha Energetika vazirligi O`zbekiston elektr energetika tarmog`ining ishlash tartibi to`liq tiklanganini ma`lum qilgan edi.
