Rossiya va O`zbekiston olimlari guruhi nurlanishning past dozalari (masalan, rentgen nurlari) koronavirusni yo`q qilishi mumkinligini aniqladilar. Mutaxassislar COVID-19 bilan kasallangan bemorlarni davolashda va dezinfeksiya paytida nurlanishdan foydalanish bo`yicha ko`rsatmalar ishlab chiqmoqdalar.
"Yumshoq rentgen nurlarining past dozalari ta`sirida virusning irsiyat molekulasini Auger yo`q qilishning o`ziga xos mexanizmi taklif qilindi", – deydi, UrFU professori, "Uglerod mikro- va optoelektronikasining funksional materiallari fizikasi" ilmiy laboratoriyasi rahbari AnFatliy Zasepin.
Tadqiqotlar shuni ko`rsatdiki, RNK molekulasi bo`ylab deformasiyalangan joylar sog`lom hujayralar molekulalariga qaraganda radiasiya ta`siriga nisbatan ming marta sezgir ekanligi aniqlandi. Shundan kelib chiqadiki, virus uchun zararli bo`lgan oz miqdordagi nurlanish sog`lom hujayralar uchun mutlaqo xavfsizdir.
Koronavirusga radiasion ta`sirni o`rganish Ural Federal universiteti va O`zbekiston Respublikasi Fanlar akademiyasi olimlari tomonidan amalga oshiriladi. Tadqiqot 2020 yil aprel oyida professor Boris Oksengendler boshchiligidagi o`zbekistonlik bir guruh olimlar tomonidan ilgari surilgan g`oya bilan boshlangan edi.
“Ushbu usul nafaqat Covid-19 viruslari, balki boshqa viruslar uchun ham, xususan, uning mutasiyasiga mo`ljallangan. Fiziklar sifatida biz mikro darajada radiasiya ta`sir qilish mexanizmlarini ishlab chiqamiz va tahlil qilamiz va biologlar va shifokorlar bu umuman inson tanasiga qanday ta`sir qilishini tushunishga yordam berishadi. Shu bilan birga, so`nggi voqealarni inobatga olgan holda shuni ta`kidlash kerakki, virusga qarshi biologik usullar bilan kurashishga to`sqinlik qiladigan hech qanday mutasiyalar radiator usulining Augerni yo`q qilish mexanizmi bilan ta`sirchanligiga umuman ta`sir qilmaydi”, – deya ta`kidladi Zasepin.
