Joriy yilning 11 yanvar kuni soat 08:30 larda, Ishonch MFY Chortoq yo`li ko`chasida, Namangan shahrida yashovchi, 1995 yilda tug`ilgan fuqaro yo`l varaqasi orqali, MChJga tegishli bo`lgan Damas rusumli avtomashinani boshqarib borayotib, harakat xavfsizligini ta`minlay olmay, yo`l chetidagi beton stolbaga urilgan. Bu haqda Namangan viloyati IIB AXborot xizmati xabar berdi.
Natijada, haydovchi voqea joyida vafot etgan va avtomashina salonida bo`lgan shu MChJda tikuvchi bo`lib ishlovchilar, Chortoq tumanida yashovchi, 1990 yilda tug`ilgan va Chortoq tumanida yashovchi, 1991 yilda tug`ilgan ayollar bosh miya chayqalishi tashxisi bilan shifoxonada tibbiy yordam ko`rsatilgan.
Ushbu holat bo`yicha Namangan shahar IIO FMB huzuridagi TB tomonidan 2021 yil 11 yanvar kuni O`z.R JKning 266-moddasi 2-qismi bilan jinoyat ishi qo`zg`atilgan.
