Moratoriy muddati uzaytirilmadi. Sergelida esa daraxtlarni ochiqchasiga qo`porish tashlash boshlab yuborildi. Qayralgan arralar, texnikalar ishga tushdi. Bu haqda deputat Rasul Kusherbaev yozib, vaziyatdan tashvishlanayotganini bildirdi.
"Oldinda ko`plab qurilishlar bor. Afsus... Daraxt kesmay qurilish qilish ham mumkin. Biroq bizdamas, bo`lmasam quruvchi va arxitektorlarimiz qiynalib qolishadi. Kelajaknimas, qurilishdan bugun foyda qiladiganlarni o`ylash kerak. Shundaymasmi Sherzod aka....
Aytgancha, hududlarni rivojlantirish va qurilishga qaraydigan katta kotibiyat mudiri hurmatli Sherzod Abidovga qurilish bahona Sergelida daraxtlar qo`porib tashlanganligini eslatib yuborsak. Ular mendan aniq faktlar so`ragan ekan. Mana "svejiy" fakt. Buni TV va internet orqali ham ko`rish mumkin. Montajmas, haqiqiy.
Endi doimiy Sizga yuborib, ma`lum qilib turamiz, faktlar ko`p.
Ishqilib daraxtlarsiz kelajak sari ketmasak bo`ldi". - deya yozib qoldirgan deputat.
