Bugun ijtimoiy tarmoqlarning birida “Andijon shahri Nayman ko`chasidagi Aviasionniy zavod orqasi yonmoqda” sarlavhali xabar tarqaldi. Xabarlarga FVV munosabat bildirdi.
Ushbu holatga aniqlik kiritilganda, Andijon shahri Nayman ko`chasida joylashgan foydalanishi tugallangan tashkilot hududida chiqindilar to`plab yoqilganligi ma`lum bo`ldi.
Favqulodda vaziyatlar boshqarmasi yong`in-qutqaruvchilari zudlik bilan voqea joyiga etib borib, holatni nazoratga olgan.
Shu o`rinda Favqulodda vaziyatlar vazirligi yurtdoshlarimizdan chiqindilarni yoqmaslik, atrof-muhit muhofazasiga e`tibor qaratish lozimligini so`rab qoladi.
