Yagona interaktiv davlat xizmatlari portalida Davlat test markazining test natijalarini ko`rish bo`yicha qo`shimcha imkoniyat yaratildi. Bu haqda Davlat test markazi matbuot xizmatining ma`lum qildi.
Xabarga ko`ra, endilikda test sinovlarida ishtirok etgan talabgorlar test natijalari e`lon qilingandan so`ng my.dtm.uz sayti orqali shaxsiy kabinetlariga kirmagan holda ham o`z natijalarini bilishi mumkin.
Buning uchun mazkur saytdagi “Natijani ko‘rish” bo`limiga test topshiriqlari kitobi raqami va sahifada keltirilgan arifmetik ifodaning qiymatini kiritish kifoya.
Unda quyidagi ma`lumotlar aks etadi:
- Test topshirilgan fanlar;
- har bir fan bo`yicha test topshiriqlari soni;
- har bir fan bo`yicha to`g`ri javoblar soni;
- har bir fan bo`yicha umumiy to`plangan ball;
- har bir test topshirig`iga to`g`ri yoki noto`g`ri javob berilganligi.
Ma`lumot uchun, diagnostik-test sinovida ishtirok etgan talabgorlar ham o`z natijalarini shu erdan bilishlari mumkin.
