Britaniyaning Burberry kompaniyasi rahbariyati moda namoyishlarini yiliga ikki barobar qisqartirishga qaror qildi. Bu haqda “Lenta.ru” xabar bermoqda.
Yangi kolleksiyalar taqdimoti endi faqat sentyabr va fevral oylarida bo`lib o`tadigan bo`ldi. Erkak va ayollarning so`nggi urfdagi kiyimlari namoyishi bir vaqtda o`tkazilib, ularni namoyish tugagandan darhol sotib olish mumkin.
Burberry — Britaniyaning 1856 yildan beri faoliyat ko`rsatgan brendi bo`lib, erkak va ayollar kiyimi, parfyumeriya, turli aksessuarlar ishlab chiqarishga ixtisoslashgan. Brendning mahsulot belgisi — qizil, qora, oq va sarg`ish-kulrang kataklardan iborat.
Namoyish tartibini amerikalik dizayner Tom Ford o`zgartirishga qaror qildi. Fevralda o`tkazilishi lozim bo`lgan kiyimlar namoyishi uni sotuvga chiqarish paytiga to`g`ri kelishi uchun sentyabr oyiga ko`chirildi.
Tom Ford — amerikalik dizayner-modeler bo`lib, u Tom Ford brendining asoschisidir. U Gucci va Yves Saint Laurent modalar uyida kreativ direktorlik vazifasini bajarib, mashhurlikka erishdi. Tom Ford modelerlikdan tashqari kino yaratish bilan ham shug`ullanadi. Uning 2009 yildagi “Yolg`iz erkak” filmi “Oskar” mukofotiga da`vogarlik qilgan.
